【媽媽有獎勵】Coffee林芊妤4個月囝囝由頭忍到落尾

林芊妤(Coffee)自從去年為老公翟志榮誕下兒子翟德彥之後,雖然逐步復出,但很少帶兒子出席公開場面,而主力照顧兒子的Coffee日前更因為捨不得交兒子給工人照顧,一度辛苦得全身出風癩。

今日Coffee更新社交網,講自己帶同囝囝外出,而小小翟先生全程勁乖,去到會場又任人抱,大受歡迎…

帶埋仔仔上台~

Coffee留言說:「今日帶伯伯出去,佢竟然一反常態好畀面冇喊過,因為通常佢都會喊到癲咗,而且今次個個抱佢都得又任影唔嬲,媽媽表示好滿意呀大成功!!返屋企請你飲奶。」

而在小小翟先生的IG中,就分別有3個新post,相信由Coffee「代言」,其中一個post寫:「難得媽終於唔困我喺屋企,帶埋我出去應酬,我要乖,就算我眼訓都唔可以喊、唔可以扭計,就算我好想喊我都要忍。 #就算我急屎都唔可以痾住 #忍樣 #內心一百種感受 #我要保持莊重的樣子」片中的翟德彥真的一副「忍樣」,非常趣致可愛。

在活動中,Coffee遇上先後離開無綫的陳智燊(Jason)和沈卓盈,沈卓盈抱着翟德彥時,不時向他作狀送吻;

而已為人父的Jason亦抱着Coffee囝囝愛不釋手。翟德彥小朋友見狀,亦微微露出笑容。

 

 

 

 

(appledaily / facebook)