【發嫂擔心:點解搞成咁?】周潤發假戲真做成面血急入院

    藝人周潤發(發哥)日前拍攝電影《驕陽歲月》時遇意外受傷,該場戲描述周潤發被黃德斌追債,繼而被襲擊。意外發生時,周潤發沒有即時叫停,繼續假戲真做,直至完成整場戲的演出。

    之後,周潤發用手撳着頭頂,自行步出場景外坐低,大家才驚覺他左邊額側,現場有兩大條血路滲出,而周潤發就血流披面,令現場氣氛立即變得緊張,各人下意識想湧上前了解他的傷勢,幫他抹血。但身經百戰的周潤發則叫大家冷靜不用擔心,又着人攞清水沖洗傷口,了解受傷的位置。

     

    至於本來在片廠外準備午飯的發嫂,事後接獲通知,見到老公受傷血流披面,她沉着問:「點解搞成咁?」周潤發立即連聲安慰説不嚴重,還叫人撥開頭髮,讓發嫂看看傷口。

    由於傷口實在不小,在導演潘耀明、監製黃斌及動作指導李忠志等人力勸下,周潤發才聽從大家的意見到醫院療傷,臨離開前,他仍不停安慰大家:「定啲、唔好驚!」仲跟導演説:「你先拍呢邊,我縫兩針返嚟繼續…」又講:「淡淡定,有錢剩!」盡顯其幽默本色,讓大家安心。

    經檢查後,醫生考慮到傷口有一吋多長,加上在片場開工,受細菌感染機會極高,所以必須縫針。一聽見要縫針,周潤發即問:「我仲要返現場繼續拍攝,又要連戲,不要剃頭髮可以嗎?」

    在醫生及護士的細心處理之下,只剪了傷口附近最少範圍的頭髮,並縫了5針。周潤發之後需每天到醫院消毒兼清洗傷口,直至拆缐。在醫院逗留約兩小時後,他即趕返片場,吃了一餐「late lunch」,又立刻繼續埋位拍攝,在場工作人員都忍唔住讚嘆一句:「真心佩服發哥的專業態度!」

    之後,黃德斌接受東網訪問。他憶述當時情況,原來是自己拿樽時意外甩手,所以導致周潤發受傷:「當時係拍我追佢債,拎住個樽想扑佢,但最後冇扑到嘅,不過舉樽嗰陣因為意外甩手,個樽跌咗落發哥額頭度。但佢好專業繼續演,而導演亦冇嗌Cut,所以我都繼續演落去,直至Cut機之後,見到佢流血,先知受傷,真係非常唔好意思!當時真係唔知講乜好。」

    他又指周潤發受傷後,大家都好緊張,但周潤發反而安慰眾人:「佢好犀利!不停同大家講冇事,叫大家唔好擔心。發嫂都好好,發哥去咗醫院鏠針嘅時候,發嫂仲叫我一齊食飯,同我講發哥冇事,但我聽到佢要鏠針都嚇一嚇!之後,發哥返嚟繼續開工,再拍嗰場戲我都有啲手震。(有陰影?)係,有少少。」

     

     

     

     

    (on.cc)

     

    SHARE