【公開求婚片段】冧曬巨鑽Say Yes:終於可以同大家分享…

而佢喺社交網表示其實朋友間一早知呢件事,不過就要為佢哋保守秘密,仲話已準備好給一個驚喜畀家人添:「多謝朋友幫我保守呢個秘密咁耐,係朋友圈已係舊聞,依家終於可以同大家分享呢個開心片段,希望畀一點空間我面對人生呢新一頁,我已準備好給一個驚喜畀爹地媽咪 #engaged」

28歲的賭王何鴻燊四房千金何超盈爆出已訂婚,未婚夫就係上年公開嘅男友Thomas Xin,據知超盈剛剛有咗3個月,會於年底誕下豬年BB(相關新聞:https://goo.gl/LuPSeu)。

到咗今日,超盈終於喺社交網上載求婚短片,大晒二人Sweet爆一刻!

片中超盈晒腿上陣,一邊接過男友遞上嘅氣球,一邊就問係咩嚟,原來男友神神秘秘為佢精心準備咗大堆紅色及粉紅色氣球做布置嚟求婚,到超盈去到氣球旁時,啲波波就徐徐飄走,畫面浪漫,男友更加即場下跪,等到超盈Say yes之後,兩個人就喺氣球前甜蜜咀嘴。

超盈仲晒出兩隻訂婚同求婚嘅巨鑽,絕對羨煞旁人!

(on.cc)