【老公唔同晒】大肚張美妮:成10年都冇…

    藝人張美妮到將軍澳電視城出席「三月星辰」活動,腹大便便的她表示佗B近7個月,預產期為6月頭,她謂現時少了現身,有時都想出來見大家:「依家日日放假就想出嚟,其實依家啲Job停晒咁滯,但公司仲有3日會出,到5月先會全面停工。」

    講到她本月2日生日,她表示與老公、父母及妹妹一同慶祝:「今年生日特別唔同,因為佗住個女得一次,所以都有着靚啲影相,老公今次都好識做,平時佢係實際型,唔會送花,但今次就買咗啲花同氣球畀我,我事前完全唔知,去到見到好開心,佢平時唔會做呢啲嘢,我係滔個女啲光,暫時繼續享受做女王先。」

    並透露老公對於肚內是B女而感到十分開心:「佢自熱戀之後,成10年都冇對我咁好,依家成日都會噓寒問暖。其實今日佢都叫我唔好嚟,因為佢要返工車唔到我,驚落雨跣,但我應承咗嚟,同埋想返公司請產假,所以工人陪我嚟,我都會慢慢行。」講到她還穿厚底鞋,她表示活動後會換鞋。

    她亦謂佗了囡囡後更感覺到媽媽的偉大及辛苦,所以決定每年生日都會與媽媽過。

    (on.cc)

    SHARE