樂隊Mr.成員Dash及孿生兄弟譚健榮今日在柴灣，為陳柏宇、朱薰主持的ViuTV節目《闔家學術常識問答比賽III》錄影，朱薰是譚健榮的老婆；陳柏宇表示背稿差，所以做主持能力低。
提到香港的傳統學校多數要背書死記，會否將來讓女兒讀國際學校？他說：「我打算遲啲畀佢返加拿大讀小學，之前喺香港就讀本地學校，講吓中文，因為過到加拿大，係唔係都會講英文，到時中文退步唔緊要，屋企人會同佢講中文。」
對於謝霆鋒於下周日在亞洲國際博覽館露天廣場參與音樂會，屆時樂隊Mr.將有份演出，問到會否與霆鋒合作？譚健榮說：「冇，好似一個音樂節，每part有兩隊band玩45分鐘，今次喺亞博嘅空地，都幾新鮮。」
問到是否首次在戶外做騷？Dash說：「之前都有，但喺香港做戶外騷嘅地方，3隻手指數得晒，因為嘈少少都被人投訴，其實喺工業村做都得，之前試過喺工廠大廈拍MV都投訴，因為啲聲去到住宅嗰邊。」
