藝人余文樂（樂仔）間中都會喺社交網晒囝囝余初見（Cody）嘅得意相，不過次次都係得背面或者側面。
上月樂仔同好友彭于晏嘅媽媽及家姐彭于藍（Lan）聚會，Lan事後喺社交網上載三張疑似Cody嘅正面照，不過樂仔就冇承認過呢個小男孩就係囝囝。
直到今日，樂仔終於上載囝囝正面相，相中嘅Cody同爸爸嘅廣告相合照，雖然被後期加咗副太陽眼鏡，但已經係最唔遮樣嘅一張。見Cody坐喺BB車上，手仔放喺嘴邊，不知幾招積。
呢次算係樂仔破天荒晒囝囝正面，不過網民就希望下次可以睇到Cody冇戴「太陽眼鏡」嘅相呀！
（on.cc）
