昨日3月14日係白色情人節，唔少人都會同自己嘅情人慶祝，而榮升爸爸冇耐嘅王祖藍就喺社交網晒出「前世情人」囡囡Gabrielle嘅短片，盡情放閃！
片中祖藍同老婆李亞男一齊出盡法寶氹囡囡開心，而囡囡就笑到「哈哈」聲仲識伸脷，相當溫馨。而Gabrielle都長大咗唔少，除咗有對瞇瞇眼，眼睫毛仲好長，非常可愛！
唔少網民都話愈大愈似媽媽，對眼好迷人，仲話一定愈大愈靚女添，睇嚟祖藍可以放心喇！佢又留言向兩位大小情人示愛：「主演：小情人，聲演：大情人，祝我的大小情人，白色情人節快樂。」
冧盡大小情人！
(IG/on.cc)
