【鄭嘉穎升呢做爸爸】佘詩曼:唔會未學行先學走

49歲鄭嘉穎在今年2月榮升爹哋,太太陳凱琳(Grace)為他誕下兒子Rafael,嘉穎在IG報喜說:「個個父母都話自己個BB係最得意…我終於明啦!」

廣告

佘詩曼昨日在中環出席活動,提到舊愛鄭嘉穎榮升父親,有否恭賀對方?阿佘說:「我有留意,我覺得每個生命來到世界都值得恭喜,我呢排好忙,但係都戥佢開心。」

廣告

問她恨生小孩嗎?她說:「順其自然啦!我唔會未學行先學走。」阿佘表示剛從意大利工作回港,她說:「我5日內去咗意大利、希臘、雅典等,上郵輪做嘢,因為時間好緊密,所以冇得玩,坐飛機來回都30幾個鐘,做嘢就一日半,但係好值得去,好靚。」

阿佘明天便出發飛南京工作,之後會回到劇組拍攝跟黃曉明合作拍的《鬢邊不是海棠紅》,阿佘又爆跟曉明合作期間,會經常大晒兒子小海綿的影片!

阿佘說:「佢有畀我睇啲video,好似佢㗎,曉明同我講話感覺好奇妙,因為BB好似佢嘅mini版,佢嘅廚師煮嘢好好味,每日嘅lunch都係由佢供應,個個都有肥到。」

(apple daily)