愛女心悅昨日一歲生日，佢同老婆為囡囡舉辦粉紅色生日派對，相當有心思。
圈中人緣甚廣，邀請唔少好友為寶貝女一齊慶生，包括周柏豪、洪永城、譚凱琪、麥明詩、羅天宇、周志文和周志康等。好多星爸星媽仲帶埋小朋友去同樂，場面非常熱鬧。
到切生日蛋糕時，壽星女心悅可能等得唔耐煩，突然大喊，反應非常搞笑。
藝人楊潮凱隨後喺社交網多謝咁多位朋友出席：「感謝咁多位Uncle Auntie 到來Catharine BB 一歲生日party。謝謝你們給Catharine的愛！」
不過講到全場最有心，就不得不提洪永城喇！
話說原來佢講咗去探BB講足一年（合理懷疑今次先係佢同心悅第一次見面），可惜一直未有時間，今次生日，佢就送咗條拉薩買嘅黑瑪瑙手鏈，希望幫心悅招來好運同幸福嘅能量，佢仲加封一份5位數大利是，認真唔話得，佢話喺社交網留言叫心悅大個咗問Daddy攞番，唔好畀楊潮凱攞去旅行，非常搞笑。
（綜合報道 / on.cc）
