【Baby Shower令BB性別洩密!?】天王嫂方媛今胎佗…

郭富城跟老婆方媛(Moka)育有1歲半女兒Chantelle,三年抱兩的Moka現懷孕7個多月。

BB出世前,城城忙於舉行《舞林密碼》巡迴演唱會,昨晚就到了深圳開騷,亦是巡演中的首場戶外演出。由於城城的智能舞台設計及機械十分繁複,故製作組不惜斥資近400萬人民幣,全新打造舞台篷頂和加護鋼板底台。城城表示:「將智能舞台設置喺戶外體育場中央,係我嘅首度嘗試,感覺好特別,自己又可以遠望星空,非常浪漫。」

昨晚城城以全新造型登場,啡金髮配螢光黃的戰衣亮相,之後又換上翠綠色運動look,配合演繹《para para sakura》和《動起來》等快歌,炒熱氣氛,而唱到《愛的呼喚》時,城城說:「好開心,知道有好多歌迷同我一齊成長,無論我唱歌又好,演戲又好,都畀我好多支持,令我可以好有力量去做喜歡嘅工作;我決定做一個優秀嘅演員,係我近年投放比較大重心嘅工作,但係我熱愛舞台嘅初心,係永不放棄!」

另外,有讀者在社交網見到城嫂和女友人現身baby shower的相片,由於枱上有兩個蛋糕,一白一藍,讀者估蛋糕明示城嫂今胎生仔。

不過翻查該女友人的社交網,發現女友人亦是腹大便便,不知是城嫂出席對方的baby shower,還是兩位大肚婆齊齊慶祝呢?由於張學友、劉德華、黎明都生女,如果城嫂今胎真佗B仔,城城就可以打破四大天王都是外父相的宿命了。

 

(綜合報道)