上年獲拍拖一年幾嘅男友於洛杉磯求婚，佢喺Instagram上載照片宣布喜訊！相中見到男方單膝跪下，攞住戒指向Carmen求婚，Carmen冧爆留言：「I said YES to the luckiest man ???」而現場更以玫瑰花及蠟燭布置，非常浪漫！
後來接受訪問時就話：「因為有好多嘢要搞，同埋會跟足傳統嘅禮節，但同未來老公冇嗌交，佢都幾好，媽媽同未來奶奶都有畀意見我。（咁會唔會有造人嘅壓力？）媽咪有講過，但未來奶奶就冇，我自己就想過一年Honey Moon先至生。」
將於今年6月出嫁，之前佢就喺泰國搞咗個bridal shower。
今日佢就舉行過大禮儀式，正式被落訂啦！呢個咁重要時刻，身為好朋友嘅文詠珊（JM）同埋歌手蔡卓妍（阿Sa）的男友石恆聰胞妹石佩藍都有份見證，見過大禮真係分量十足，擺滿好多金器、海味、生果同埋中式喜餅…
而一對準新人亦情到濃時喺眾人面前錫錫，真係望見都覺得幸福。
仁濟醫院前主席嚴玉麟女兒嚴紀雯（Carmen）將於今年6月出嫁，今日進行過大禮儀式，相當重手~
(綜合報道 / on.cc)
