【宣佈囡囡中文名】王祖藍感激太太李亞男:王家因你而改變

藝人王祖藍與李亞男昨日在主題樂園筵開逾四十席,為愛女Gabrielle舉行百日宴。活動更設「懇辭賀禮」,主人家將所有人情,轉贈慈善機構,幫助香港的罕有病兒童。

乖巧的Gabrielle雖然接連要跟大批賓客朋友合照,但全程未有扭計!不過向來疼錫女兒的祖藍及亞男,一見愛女打呵欠即叫陪月姐姐帶女兒返回「公主房」稍事休息,並拿出大批1比1紙版囡囡「頂更」,氹得賓客朋友十分開心,更大讚紙版Gabrielle可愛度不輸真人。

昨日赴會群星眾多,包括祖藍好友蔡少芬一家四口、鄧萃雯、郭晉安與囡囡、阮兆祥、苟芸慧夫婦、方力申、羅敏莊一家三口、陳爽、林欣彤、陳嘉佳、梁嘉琪、何遠東、陳豪一家五口、薛家燕、羅蘭、林盛斌太太和四位小朋友等。

祖藍與亞男上台致謝辭時表現興奮,除了表情多多,更即席宣布愛女的中文名字:「我拍緊《你咪理》嘅時候,阿女只要一聽到戲入面嘅音樂,就會踢佢媽咪個肚。我覺得佢係天上嚟嘅音樂,所以佢個名係叫做王天韻。」

事後王氏伉儷齊齊受訪,祖藍笑言十分感恩女兒愈大愈似太太:「我好開心,初初BB出世時未收水,好似我咁一Pat嘢。但後來佢收水後,我就感恩佢愈嚟愈似我老婆。其實我啲DNA都好強㗎,估唔到輸咗畀太太!」

亞男即笑指祖藍應感激她,祖藍聞言搞笑大派冧招說:「好多謝你呀!王家因你而改變!醫生仲話,我個女喺同齡嘅BB嚟講算係高㗎!」

 

(更多相片:https://goo.gl/qk8K4T

 

 

 

 

 

 

(綜合報道 / on.cc)