【方媛暗示第二胎係仔!?】郭富城即刻話…

天王郭富城和楊千嬅出席香港國際影視展宣傳新戲,他透露於新戲飾演無家者,並預告已拍畢一段時間、今年內會上映:「呢部戲都會參加其他影展,但做演員唔一定要爭取獎項,今次選擇拍香港題材嘅電影,係因為想令全世界知道香港嘅作品係有幾優秀。」

近日有指城城在家擺放「金龍多子陣」求添丁,他受訪時否認,並說:「梗係唔係啦,其實自己屋企一直都有呢樣嘢嘅,用來保家宅平安,並唔係嗰啲亂咁作嘅嘢。因為之前打風打爛咗,(但以前唔係金色㗎喎!)因為整爛咗,所以整番穩陣啲,其實主要係保家宅同家庭,因為自己已經係人哋嘅爸爸,需要去保護屋企人,去保佢哋平安。」

提到太太方媛(Moka)現正佗B,城城表示對生仔或生女都無所謂,只是想女兒有多個伴,他指因為Moka來自一孩之家,知道她的成長過程比較孤單,自己都希望小朋友可以有人陪,所以男女都無所謂。

記者指傳聞Moka今胎佗B仔…

城城即避答表示:「吓,我未check喎,我唔會理佢。」對於太太Moka之前post baby shower相中有藍色蛋糕,被指是暗示佗仔。城城表示:「我唔明你哋點解咁介意呢啲嘢嘅,我真係冇所謂。」

(相關新聞:https://goo.gl/p9EDPn)

城城身旁的千嬅就表示:「係呀,好似我咁傳統嘅,佗住嘅時間都唔會講囉,因為老人家唔鍾意。」城城隨即表示同意,更稱:「我媽咪都唔想我成日提,所以唔好成日問我喇,最緊要屋企人身體健康。」

 

 

 

 

 

(綜合報道 / appledaily / on.cc)