【超期待!】鍾嘉欣:都係從Kelly身上…

女星鍾嘉欣(Linda)於2015年與脊醫Jeremy結婚,長居加拿大只偶爾回港工作,翌年誕下愛女Kelly,由「嘉欣BB」升呢做「嘉欣媽媽」。

之後好快就追到第二胎,於上年9月宣佈誕下細仔Jared,一家四口幸福滿美!

嘉欣近年一直於溫哥華專心照顧家庭,減少喺幕前出現。

最近她特別抽空回港拍攝奶粉廣告,廣告以Linda對仔女的愛作為靈感,她會親自創作及演繹廣告歌曲。

之前Linda PO咗自己喺錄音室工作嘅相,仲話自己嘅夢想即將可以實現,令到唔少粉絲猜測佢可能正在錄制新專輯,或許將在溫哥華全面復出。原來係指創作及錄製廣告歌曲?

廣告以Linda真實的個人經歷為主題,講述她多年來成長路上面對過各種不同的經歷及體會。

她希望女兒於成長過程中可多作不同嘗試,又指自己會成為兒女的最強後盾,讓兒女可盡情發揮天資,跟自己一樣擁有一個充實又快樂的童年。

談到未來大計,Linda表示目前把家庭放在第一位,她透露:「今次為廣告作曲,是自己一直想做的事,旋律和歌詞也是從女兒身上得到啟發。目前還沒有計劃安排其他的工作,因為要照顧兩個小朋友實在不容易,所以暫時會專注家庭。」

雖然回歸拍劇無期,但都可以期待下嘉欣新歌!

(綜合報道/on.cc)