【陳煒阮兆祥江欣燕馬浚偉到賀】尖沙咀大搞孖仔百日宴

    大批圈中好友包括羅霖、江欣燕、阮兆祥、張文慈、謝雪心及馬浚偉等參加派對,而主演梅小青新劇《法證先鋒4》的謝賢也有到場,至於近日忙拍劇的陳煒更是一收工就立即趕來。

     

    金牌監製梅小青和劉家豪去年榮升嫲嫲爺爺,他們的愛兒兼身為律師的劉鎮然(Alfred)和新抱胡佩儀於去年11月誕下孖仔!

    最近他們為囝囝劉知衡(Aden)和劉知學(Alton)在尖沙咀大搞百日宴派對,並慶祝Alfred榮升為律師樓合夥人,梅小青的媽媽都有出席,四代同堂,樂也融融!


    一對孖仔當然成為焦點,期間抱着大孖Aden不放的羅霖笑言「BB味」好香,張文慈則說因不熟手故不敢抱,而江欣燕則向孖仔送利是,身為「六姨婆」的梅小惠當然十分肉緊,即席向孖仔們送「肉嘴」,又抱又錫,更擔當司儀,大搞氣氛。

    她說:「我由細就幫手湊姨甥仔Alfred,然後再幫手湊孖仔,但我經常都搞錯大孖同細孖。我打破咗世界紀錄,餵到佢哋最多奶,一口氣食咗5.5安士嘅奶。(做六姨婆感受?)冇咩感受,亦都唔敢接受,因為好似個名同我個年齡太近、畀人識穿晒,哈!叫我六姨婆當然冇所謂,叫少一句都要打佢哋pat pat,呢啲係禮貌!不過我諗我嘅出現會改寫族譜,原來六姨婆係咁後生同咁靚!」

     

     

     

     

     

     

    (on.cc)

    SHARE