【準人夫拖到實一實 呵護備至】大肚何超盈孕肚首曝光

賭王四房千金何超盈早前承認有喜,與「哈佛學霸」未婚夫Thomas(辛奇隆)即將結婚,Thomas更非常體貼,最近專程由美國飛嚟香港陪伴超盈。

今日中午二人現身銅鑼灣某商場到名店購物,見超盈喺舖內不停睇背囊及手袋,又不時問Thomas意見,兩人有講有笑,全程甜到漏。

而Thomas更照顧周到,不時拖實超盈,呵護備至,非常細心,離開舖頭時兩人十指緊扣,Thomas全程笑得開懷,心情極靚。

二人行到攰攰哋後,入餐廳醫肚,食飽飽休息一輪後再次出動購物,繼續十指緊扣步入珠寶店睇首飾為婚事做好準備,收穫相當豐富。

 

 

 

 

 

 

(on.cc)