【情人節宣佈閃婚 被指雙喜臨門】李彩華首現身

    藝人李彩華(Rain)於情人節宣佈閃婚,被指是雙喜臨門…

    榮升人妻不久的她昨午到九龍灣出席頒獎活動,她透露婚後一直與老公唱「分飛燕」…

    「結完婚我已經拍咗套劇,4月又要再開工,今次要拍足3個月,所以月底約咗老公見面。(未度蜜月?)未呀,諗住只要有時間,去邊都可以。」而Rain今日悉心打扮現身,但由於其人氣強勁,身上的裙裝慘遭踩爛!

    談到造人大計,她表示將搏殺多一年,明年才會減產,全力追B。

    她說:「依家日日同老公video call。(點解咁快決定結婚?)其實大家識咗好耐,佢一直暗戀我,啱啱識嗰陣佢以為我有拖拍,直至去年我分咗手,佢就開始同我傾偈、追我,據佢所講係耽誤咗時間,我就覺得係上天安排嘅緣分。」

    談及內地近日的「限古令」,Rain直言對自己影響不大:「因為呢排拍嘅都係時裝劇,好方便,收工唔使落妝就可以即刻去食飯。」

     

     

     

     

     

     

    (綜合報道 / on.cc)

    SHARE