藝人林盛斌（Bob）平時要養活一家八口，老婆、三個女一個仔，再加兩個外傭姐姐，真是一點都不簡單！
之前一直每個月以11萬租住加多利山三千呎豪宅，但後來被業主通知不獲續約，搞到阿Bob嬲到爆，而一家八口就要逼住儘快搬。
目前全家人經已安頓好，終於可以過返正常生活喇！
為了養活一家八口，日前努力演藝事業多年的Bob更於一個頒獎禮上獲得「最具影響力主持人大獎」，他昨日接受訪問，心情仍然好興奮。
「我出發去領獎時，屋企幾個女話要為我打氣加油，我話已經攞咗獎，只係出席儀式。」
「點知完咗我返到屋企，佢哋就話好彩我哋幫你打氣，你先有獎，真係笑死。（諗住點樣慶祝？）擺幾圍囉，哈哈！」
原來這個獎可算是他入行以來首個個人獎項，難怪表現激動！他坦言：「嚟緊好想向演技獎項方面發展，希望假以時日獲得嘉許。」
(綜合報道 / on.cc)
