【Jacques反而會⋯】周汶錡:細佬仲細唔知發生咩事

名模周汶錡(Kathy)出席珠寶品牌活動,提到日前細仔Avner生日,她表示首次為囝囝舉行生日會:「以前喺屋企搞,但太多人想參與,似大人聚會多啲。」

她慨嘆囝囝大得快,眨吓眼就兩歲:「有時睇番佢哋啱啱出世嘅相重溫。(有冇同囝囝一齊睇?)大仔會問呢個邊個,以為係細佬。」

問到大仔可有送生日禮物給弟弟?她指大仔反而爭細仔的玩具玩:「我叫阿哥同細佬一齊拆禮物,佢拆完話『It’s mine!』,細佬仲細唔知發生咩事。」

至於Kathy,她直言從來不送禮物給囝囝,更叫親朋戚友包利是,全數捐贈予山區兒童作助學用途。

「啲小朋友會寫信返來,有意義又開心。(會唔會帶佢哋去探訪?)會,畀佢哋知道唔係個個小朋友都咁幸福,從小培養佢哋要有愛心,對長大後做人同工作都有幫助。」

她透露結婚時收到的禮金都有捐贈出去,相當熱心。

(on.cc)