【陸浩明畀肥媽爆料指…】肥媽:有乜理由唔大肚

藝人肥媽(Maria Cordero)聯同陸浩明(6號)到街市為第8輯《食好D食平D》宣傳造勢。

肥媽受訪時笑指6號腎虧,因她每次炮製壯陽食物如馬卡湯和炒韮菜,6號都吃不停,她說:「成日同女朋友去旅行,有乜理由唔大肚㗎!」

6號亦謂每次食完都熱辣辣,搞到要去運動場跑圈「降火」。肥媽即指6號浪費:「你話你係咪嘥料呀!個女仔媽咪都傻㗎,畀個女跟佢咁多年都唔結婚。佢上契我都要金碗金筷子送畀佢,蝕本㗎,我最想咩呀,咪就係抱孫囉!」

講到6號和女友拍拖多年仍未結婚,他透露是想有樓先計劃結婚,他稱目標是買600呎左右的3房單位,又自爆早前曾抽將軍澳新樓向隅。

提到被肥媽爆搵錢多,活動和飲宴都見他當司儀,他終敵不過肥媽的「催婚」才露口風說:「本來諗住抽到就今年計劃嘅,係計劃咋,未有實際時間表㗎!」

 

 

 

 

 

(facebook / 綜合報道 / on.cc)