藝人鄭裕玲（嘟嘟）與組合農夫出席友邦香港全新「友扣稅懶人全包宴」記者會，他們早前為保險新計劃拍廣告，嘟嘟透露拍攝期間突然爆肚，豪氣指他日退休，不知農夫可以做甚麼，令二人頓時招架不住！
農夫對此笑說：「我哋爆肚你會用權威閘住，叫唔好講垃圾。當日嘟嘟爆完即刻思考呢個問題，如果真係咁咪唱吓歌囉，好在佢話暫時未退住。」
談到廣告中要反串着女裝，農夫不禁表示二人企在一起已頂不住，嘟嘟亦揶揄他們肉酸兼不親民，問到C君未婚妻可見其女裝扮相？他抵死地說：「我男裝造型都嚇親啦，但佢接受咗！應該視力好有問題。」陸永也加把嘴指對方有視障及大膽。
對於C君稍後結婚，問到嘟嘟會否出席婚宴？她說：「12月嘛！冇嘢做咪去，不過我影完相就走。」C君乘勢追擊：「你擺低人情，唔影相都得，我發番畀你。」
（on.cc）
