【同祖兒好好感情】曬婚照宣布娶女友

出身於單親家庭的容祖兒,15歲時父母離婚,跟胞弟容逸恆(Samuel)和媽咪相依為命。

廣告

廣告

祖兒早前宣告單身,正式確認跟劉浩龍分手,而胞弟Samuel連日在社交網晒婚紗相,原來Samuel爬胞姐頭快將結婚了。

Samuel在IG晒準老婆Samantha靚相並留言:「遇到一班又好又專業嘅團隊,雖然去唔到我哋最想去嘅地方影相,但係有呢一班勁到不得了嘅團隊!一樣可以影到靚相!」、「今日準備七月影相試衫~其中一條我覺得好靚嘅裙」,網民都留言祝賀:「好靚仔靚女,恭喜你們」、「型男索女」!

前年有讀者爆料,指祖兒弟弟疑搭上空姐人妻Samantha,貌似鍾欣潼(阿嬌)的Samantha白淨靚女,讀者聲稱Samantha欲藉男友的關係黐祖兒。當時祖兒表示:「細佬大個又成熟,會處理自己嘅嘢,我想保護番屋企人,呢啲都係細佬嘅私隱,我唔會回應。」

而翌日Samuel則在社交網護女友:「一個人做過嘅事,係咪需要同全世界每一個人去交代?更何況一些過去嘅事,更加唔需要同一班無關痛癢嘅人,同八卦嘅人交代!」

祖兒和Samuel姐弟情深,Samuel亦有在IG晒童年合照,留言:「好耐之前有個小朋友第一日返學,呢個小朋友又緊張又害怕,之後有個小妹妹幫佢打氣,但最後小朋友返到學校都係喊到不得了,到今日呢個小朋友都好記得出門口返學呢一刻。」

而從一家三口的舊相中,更看到容媽媽後生時跟祖兒餅印一樣。

(apple daily)