【一個鐘即吸過萬Like】陳茵媺激罕曬Fit爆身材!

藝人陳茵媺(Aimee)日前(1日)38歲生日,近日佢就同咗老公陳豪及仔女去旅行慶生。

連日嚟佢都有喺社交網晒出唔少靚相,除咗有囝囝幫佢操刀影嘅靚相,同埋孖老公影嘅恩愛合照外,佢亦有着黑色小背心騷肩晒事業線,不過唔少網民都話唔夠喉。

擁有「湯碗胸」嘅Aimee就再晒出張着一件頭彩色超Deep V嘅泳衣相,大晒身材同纖腰,火辣到爆,相信網民都應該好滿意啦!

佢留言:「Happy birthday to me!」照片一出,一個鐘就吸到過萬Like!而鍾嘉欣、胡定欣、張繼聰、方力申等藝人都即留言祝佢生日快樂~

完全唔似已經生咗三個小朋友!好Fit啊!!

(綜合報道/on.cc)