【仔仔超叻仔】馬德鐘:成為真正的男人是能夠…

    「馬神」馬德鐘去年憑大台劇集《跳躍生命線》摘下視帝,他在劇中扮演救護總隊目,想不到現實生活中,馬神的20歲兒子馬在驤近日成為悉尼著名沙灘Bondi Beach的衝浪救援員。

    馬在驤自小習泳,更是游泳健將,不時代表香港出賽,去年他到悉尼升讀大學,趁課餘時間報讀相關課程,最近成功考牌,晉身合資格衝浪救援員,馬神今日在facebook分享喜訊,並留言:「恭喜小在哥(馬在驤)成為Bondi Beach衝浪救援員!成為真正的男人是能夠拯救別人之餘,同時要懂得保護自己!」

    《蘋果》今日致電馬神,他說:「係呀,囝囝最近考獲衝浪拯救員資格,同泳灘救生員有分別,佢要用衝浪板出去救一啲玩衝浪板嘅泳客。我好後生有拯溺牌,但香港嗰啲同佢唔一樣。」相中見到馬在驤成功跟隊員出海救人返回沙灘。

    說到馬神夫婦教子有方,馬神謙虛地說:「佢有毅力達成自己目標啫,男人要識多啲嘢,我之前帶佢燒槍,等佢認識槍械,佢本身又有潛水牌,男人要多方面啲,保護到自己,同時又要保護到人。」

    網民看到馬在驤健碩身形,大讚他型過老竇,馬神笑言:「有啲咁嘅事。」

    (apple daily)

    SHARE