入行9年，曾經同幾個合作過嘅男星傳出緋聞，當中包括余文樂、林更新等，近日再傳出有新戀情，而呢一位男士咁啱都係同佢有合作關係，不過就唔係男演員，而係佢嘅私人英語老師！
呢位年輕嘅英語老師同周冬雨都合作咗一段時間，上年10月周冬雨趁有空檔就嚟咗香港玩船P，英語老師嘅IG甫咗張同個女仔喺船上玩緊嘅相，不過張相就cut咗個頭冇樣，睇番周冬雨嘅IG，就會見到佢當日着嘅衫係同英語老師所甫嘅女仔打扮一模一樣。
而去到今年大年初一，英語老師甫咗張同周冬雨喺屋企食飯嘅相，不過其他人全部遮晒樣，有指遮咗樣嘅人其實就係雙方嘅親人，暗示佢哋已經去到見家長嘅地步。
而早兩日英語老師好大方咁甫出同周冬雨去咗杜拜玩嘅清晰合照，之後佢再喺動態時報甫咗張攬住個女仔嘅相，仲用靈魂伴侶嚟形容對方。
雖然個女仔個樣畀公仔遮咗，但係從纖細嘅身形推斷，同周冬雨都有九成相似，而英語老師留言表示「One for the books（意想不到的事）」，有網民猜測佢哋開始轉高調似乎係想公開戀情。
2016年參與了戀愛真人秀節目《我們相愛吧》，與余文樂開始了假想的戀愛生活，粉絲們暱稱為「宇宙CP」。
周冬雨憑電影《七月與安生》成為第一個90後金馬影后。
(綜合報道/on.cc)
