【要多謝佢】胡定欣覺得好幸運:佢畀到安全感我

    藝人胡定欣去年踩過界殺入影壇,首次拍電影就入圍金像獎角逐「最佳新演員」,她坦言得知入圍時,感覺奇妙:「好開心有機會提名,收到消息時我喺街,聽到之後個腦Flash Back番入行以來十幾年嘅重要畫面,好意想不到。」

    問可有信心奪獎,定欣坦言一半半:「要睇評審嘅方向,我喺電視圈唔係新人,但電影圈係第一部戲,有份提名已經係好大得着,得唔得就平常心。(諗定得獎謝詞?)都會準備,因為唔可以失禮,怕到時個腦一片空白。(點睇其他對手?)我冇睇晒其他入圍演員嘅作品,不過之前喺其他電影頒獎禮Crisel Consunji都有得獎,好戥佢開心。」

    在電視圈經驗豐富的她由視后變成電影圈新人,問可會尷尬?定欣稱初時也有質疑:「最初佢哋話想提名我,我話得咩?原來只要我從來冇演出過電影就可以,所以係一個緣分!咁多年來,都有人想搵我客串,但未能成事,如果當日我係有客串過,今日就冇得提名,所以係安排好咗,將我放喺一部咁好嘅電影,開始我嘅第一次。(唔抗拒做新人?)我喺電影圈係新人,好多嘢要學。(演技上唔係?)我要進步,仲有好長嘅路。」

    定欣自覺幸運,有幸加入影壇參與拍攝,提名更是意外收穫,一切都歸功合作過兩次的拍檔吳鎮宇:「當初係鎮宇搵我,仲要咁啱我有檔期。其實我都係跟住佢,睇住佢點樣做,佢畀到安全感我,佢嘅存在已經幫咗我好多,對我好重要。」

    吳鎮宇在《衝上雲霄》中飾演「Sam哥」,不單被劇迷封為最完美男友指標,近日更有網民笑言「Sam哥」效應強勁,凡演其女友或多對手戲者均被帶旺!

    胡定欣在劇中自小被「Sam哥」睇大,近日更入圍金像獎!

    網民笑言被「Sam哥」吻過的女友「Holiday」陳法拉就更厲害,由Holiday變Hollywood,近年勇闖荷里活發展,孖金像影后妮歌潔曼(Nicole Kidman)合演美劇《The Undoing》。

    而同樣曾被「Sam哥」吻過的女友「Zoe」視后胡杏兒,不單嫁得好兼三年抱兩,近年北上成績不錯,與內地女星孫儷合演的《那年花開月正圓》嬴盡口碑,內地點擊過138億!

    (綜合報道/on.cc)

    SHARE