【即上微博熱搜】楊冪被批冇家教!

    內地女星楊冪嘅一舉一動備受大眾關注,經常成為網民議論嘅對象,連啲微小嘅動作都唔放過。

    近日楊冪再度登上熱搜,並被網民瘋狂吐嘈,原因竟然係因為。。。

    一個灶台!

    事緣楊冪參演內地新綜藝節目,節目組就喺微博上載幾張楊冪嘅側拍,其中一張相見到楊冪雙手環抱住對腳坐喺灶台上,表情若有所思。

    有網民大讚張相影得好靚,不過亦有部分人留言批評楊冪嘅行為:「灶台不能坐不知道嗎?」原來佢哋認為坐灶台係一種冇文化、冇家教嘅表現,有人解釋指:「從小很多農村家庭的孩子,被大人教育灶台不能坐,因為這是做飯的地方,這也是最基本的禮儀。」

    而支持楊冪嘅網民就為其平反,表示個灶台只係拍攝道具,亦有人覺得坐灶台並唔係啲咩嚴重過錯,唔明白點解咁都要畀人鬧!Chok甫影相啫…唔使咁緊張啩?

    (on.cc)

    SHARE