沈卓盈（Jess）今日35歲牛一，這是她升呢人妻後首個生日，Jess在Instagram貼出birthday trip的相片，看來兩夫妻正出埠度假，她穿上白色一件頭泳衣，展示fit到漏的身材！
Jess留言說：「生日啦，今年生日畀自已嘅獎勵就係盡情咁食多啲，之前為咗婚禮要保持最佳狀態，食多啖飯都唔敢，生日一於補番數，就放肆一日咁多啦。」相中看到Jess開心嬉水，這輯靚相不用問都知道是老公Calvin的視角。
Jess成為幸福杜太後，變得越來越索，問到婚後首個生日會怎樣過？她今日接受《蘋果》電話訪問時說：「我哋去咗一個陽光與海灘嘅地方，今年係人生轉變最大嘅一年，能夠同自己愛嘅人，一個愛錫自己同珍惜自己嘅人結婚，步入人生新嘅一頁，係一件好開心同好幸福嘅事，自己都好感恩同珍惜，其實佢已經陪咗我去旅行，咁我覺得兩個人開開心心，簡簡單單食餐飯就得。至於生日願望，我希望健健康康，齊齊整整就好足夠。」
