【坐月香香嚟唔到】不過鍾嘉欣帶埋仔仔出席!

藝人鍾嘉欣成年冇蒲頭,最近佢終於返港出席活動,今次佢仲留足3星期,機會難得,佢就即刻約咗大班藝人好友出嚟飯局。

廣告

廣告

尋晚佢就約咗4年前一齊拍電視劇《華麗轉身》嘅演員見面,就好似阿姐汪明荃、黃心穎、王君馨、劉松仁同方力申等,阿姐仲爆料話因為岑麗香仲坐緊月,不能參加飯局,如果唔係場面仲熱鬧!

當中阿姐同黃心穎等就喺社交網放出合照,阿姐好感慨咁話當時拍得好開心,同事們都結下好好嘅友誼,非常難得!

而尋晩嘉欣仲帶埋囝囝出席,阿姐猛讚BB非常可愛、人見人愛添!

而心穎就話原來尋晚劉松仁係驚喜現身,搞到佢都要即刻捉實對方嚟個Selfie~

睇佢哋又齊人又團結,今餐飯局簡直係難得兼難得啦!

(on.cc)