【三年抱四】鄭麗莎:快樂同滿足感都係乘四倍

有「蜘蛛女」之稱的鄭麗莎(Lisa)體育細胞強勁,估唔到連生育能力都一樣咁勁!

廣告

2013年佢喺關島同Calvin結婚後一年就生咗大仔汪晉頤,2016年時更生咗三胞胎,分別係二子汪晉孝、三女汪尤霏同細女汪尤嘉,極速「三年抱四」!

廣告

同時間照顧四位小朋友,真係比普通媽咪付出同累得多,但Lisa話唔介意,仲話快樂同滿足感都係乘四倍,雖然辛苦,但都值得嘅。

講到育兒心得,佢話四位小朋友有時會出現爭玩具同打交情況,所以會設立獎罰機制來教佢哋,之後再同佢哋講道理,她說:「一見到呢啲情況,就會罰小朋友罰企,喺出面罰企要冷靜,罰企五分鐘,佢哋聽到罰企呢兩個字已經好驚。多數罰完之後佢哋會喊得好犀利,就會同佢哋解釋番,其實媽咪係唔想鬧你㗎,媽咪都好心痛㗎。」

另外,又為咗提高子女學習,又會令佢哋「先苦後甜」:「有時會同佢哋玩啲英文串字,佢哋興趣就唔係好大,會同佢哋講我哋玩完之後,同佢哋做一啲佢哋鍾意做嘅嘢,咁就會畀心機地集中記性。」

(on.cc)