【升呢做人妻後首放閃】沈卓盈:佢真係想…

沈卓盈在社交網放閃,她貼出生日跟老公Calvin去嘆燭光晚餐的相片,沈大師上周五正日35歲生日,她分享了水着相片派福利。

她自爆婚前貪靚減肥,升呢幸福人妻的首個生日,可以多吃長肉,她留言:「生日一於補番數,就放肆一日咁多啦。」

人夫Calvin當然收到太太指示,所以沈大師食好西,二人撐枱腳食西餐,沈大師還跟老公情深對望,他們大嘆魚子醬和黑松露,大快朵頤。

豐富美食,看來Calvin想谷肥杜太?Jess笑言:「佢真係想儲肥我,成日叫我食多啲嘢,佢自己就食好少,佢好注重健康,有時仲會捉住我去做gym,不過有時我都會偷懶,呢排生日真係食咗好多餐生日飯,仲未食完,嚟緊開工會拍電影做警察臥底,所以要趁開工之前Keep fit,一次過找數。」

平日兩人過時過節都愛玩煮飯仔,她說:「佢話今年出去食飯慶祝,係婚後第一個生日,畀佢放吓假。」

沈大師在社交網留言感謝老公,她表示今年有好大轉變,做了人妻,人生展開新一頁,也是首個以杜太身份過的生日,沈大師公開對老公說:「Thank you for bringing me the happiness and love!(謝謝你給我開心和愛)」

(apple daily)