藝人林盛斌太太黃乙頣（Bob嫂、Pearl）專門研究風水及八字，日前她出席活動，從風水及玄學角度教大家如何利用家居布置增強家宅運勢，並分享收納小孩雜物玩具心得，她表示：「作為四個孩子嘅媽媽，收納空間對於一個家嚟講係好重要，而空間整理亦能夠反映個人性格。」
學習玄學多年的Pearl，更深深領會到家居風水和個人身體健康的關係，她表示︰「我會將屋企結合成家居風水同環境心理學，屋企主要係以白色為主調色，我亦會喺好多位置擺放鏡，可以增加房間嘅空間感，亦令人感受到家嘅舒服。」
Bob近年在事業上風生水起，司儀、藝人、老闆樣樣掂，除了他自身努力外，原來亦靠Pearl在背後「發功」！
她笑言︰「我會喺屋企配合Bob，喺相應方位擺放風水擺設，提升各方面嘅運程，當然最重要配合傢俬風格同埋整體顏色，咁至可以融入空間。」
(on.cc)
