【網民勁支持】呂慧儀發文:講就天下無敵,做就無能為力

藝人呂慧儀(長腳蟹)早前宣布同黃文迪結束7年婚姻後,繼續如常努力工作拍攝劇集《愛.回家之開心速遞》…

而其餘時間當然全心全意照顧老闆 (呂慧儀仔仔)黃柏翹(蟹籽),仲不時喺社交網發放正能量添!

今早長腳蟹就戴住Cap帽素顏行山,相當健康!

似乎佢好鍾意行山…

佢又喺社交平台分享咗段爸爸同佢講嘅說話:「心態。決定境界。你想甚麼,你愛甚麼,你說甚麼,你做甚麼,決定你的將來。很多人,講就天下無敵,做就無能為力。要知道,沒有做不到的事,只有不願做的人。沒有熱誠,怎會拚命?有人喜歡渾渾噩噩,有人喜歡豐盛精彩,無悔或後悔,看自己造化。沒有嘗試,沒有付出,沒有收穫。」

 

長腳蟹仲話要將呢段說話同阿仔講,咁識教仔,相信蟹籽一定好生性喇!而佢同時上載一張擺出若有所思嘅相片,獲好多網民支持!

張相仲係由同劇嘅小鮮肉周嘉洛操刀拍攝,估唔到「金城安」影相都有一手喎!

 

 

 

 

(綜合報道)