【似兩姊妹多啲】53歲媽媽超凍齡!

陽光甜美形象亦深入民心,估唔到連媽媽都咁靚!媽媽臉上幾乎冇留低歲月嘅痕迹,一啲都睇唔出佢今年已經53歲,凍齡技術相當驚人!

廣告

馬來西亞女神林明禎樣靚身材正,佢近日去咗浮羅交怡小島渡假兼慶祝母親的生日,連日嚟都晒咗唔少靚相。

廣告

點知最驚為天人嘅唔係佢啲性感相,而佢53歲嘅媽媽「凍齡術」,嚇親唔少網友!

林媽媽都係有料之人,個樣都唔似53歲,話佢哋兩母女係兩姊妹都有人信呀!

其實早前佢都有PO過同媽媽嘅合照!佢飛返馬來西亞度假嘅時候,就同模特兒姐姐林詩枝影旗袍「寫真」,再Post上網同Fans開心Share,着上紫色系緊身入膊旗袍嘅兩姊妹,簡直係完美嘅S身段,而佢哋嘅甜美笑容更係瞬間迷倒一眾Fans!


不過「重頭戲」就落喺另一張相度,明禎嘅媽媽同樣都係着上緊身旗袍,手拎兩個橙同明禎兩姊妹影相,3個人企埋一齊嘅呢張合照十足三姊妹,其中明禎同媽媽直頭係餅印款咁一模一樣,超強基因!

母女3人同時露出燦爛笑容,媽媽臉上幾乎冇留低歲月嘅痕迹,一啲都睇唔出佢今年已經53歲,凍齡技術相當驚人!

(綜合報道)