藝人吳君如同老公陳可辛育有女兒陳是知，雖然兩公婆未算唔畀囡囡出鏡，不過喺社交網都好少見是知嘅蹤影。
對上一次晒愛女張相，已經去到舊年嘅事…
唔經唔覺，原來是知已經13歲喇！吳君如罕有地喺社交網晒咗是知13歲生日嘅相！
今次難得見到是知正面，兩母女攬肩並肩影相，大個女嘅佢長髮及肩，成個少女樣出晒嚟～相中見是知臉圓圓，比較像爸爸陳可辛，眼仔大大精靈可愛。
正值青春年華嘅佢笑容含蓄，坐到直一直咁同媽咪合照，相反吳君如又挨又碰，不過當佢同差不多大嘅小閨蜜合照時，個蠱惑樣即刻出晒嚟，啲相真係又溫馨又搞笑。
至於兩個生日蛋糕都非常搶眼，其中一個上面插有一支心型棉花燈，另一個就放上了一粒超巨型士多啤梨。君如留言：「Happy birthday to my teenage daughter.」
(綜合報道)
