【失手走光】余香凝表現大方:完全唔知道發生咩事

第三十八屆金像獎頒獎典禮圓滿結束,三大電影公司聯同金像獎協會在頒獎禮後假尖沙咀舉行慶功宴,出席藝人包括最佳男女配角袁富華與惠英紅、蔡卓妍、周家怡、胡定欣、潘燦良與女友蘇玉華等均有現身。


三項提名均落空的余香凝也有到場。

提到她在金像獎台上不慎露出乳貼,她表示:「我今日全日都同自己講喺台上唔好失準,跳舞唔好跳錯舞步,唱歌唔好走音,全部都冇事,但就走光。我喺台上好enjoy表演,完全唔知道發生咩事,係落台時有人同我講我走光。其實條裙好Fit,好緊,不過我未試過戴耳機着呢條裙,可能我好緊張,抖氣太大力,不過都只係露貼紙一個,好在有黐貼紙,否則就好尷尬,今次當攞個經驗,下次會再準備好啲。(有冇唔開心?)我比較着重唱歌有冇走音,好在冇,因為呢個係我專業。」

(on.cc)