【唔怪之得心心咁懂事】關心妍:我嘅育兒心得就係三個字

    藝人關心妍(Jade)嘅囡囡楊榮心(心心)深受網友喜愛,可以話係星二代BB界嘅「KOL」!

    Jade時不時都會喺社交網同大家分享同囡囡嘅溫馨日常。

    心心真係超得意!

    Jade呢日大談照顧囡囡嘅小心得。

    「我嘅育兒心得就係三個字,唔縱佢,喺心心BB嘅時候,我哋都忍手唔會不停抱,就算佢喊都唔會即刻抱,等佢慢慢習慣,就唔會不停喊。食嘢方面都係,細細個唔畀佢食濃味,全部都係清淡為主,所以依家佢就覺得所有嘢都好好味,唔會揀飲擇食。」

    Jade希望訓練心心嘅自理能力,所以即使家有外傭姐姐,佢都堅持心心要「自己的事自己做」,Jade說:「佢自己做到嘅嘢,盡量都要自己做番,例如食完飯個碗要自己攞番,洗手、抹手、執玩具等等都要自己做。」

    唔怪之得心心咁乖女啦!

    抵錫!

    (綜合報道/IG)

    SHARE