【全日放咗我60%電】四個女人一個B超熱鬧!

早前榮升人母嘅陳嘉寶(Anjaylia)雖然要湊囡囡,不過都要抖嘅!

佢趁住假期就相約一班好姊妹搭船去長洲玩,賴慰玲(Winki)仲帶埋囝囝Marat現身,超開心呀!

有Winki、蔡思貝同埋Super Girls成員吳嘉熙(Cheronna),四個女人一個B超熱鬧!唔知Anjaylia嘅B囡幾時可以一齊出嚟玩呢?

不過喺搭船時個個坐到發晒吽哣,似乎集體暈船浪,相當搞笑。

之後,佢哋又一齊拎住紅雞蛋合照應復活節,個個大擺搞怪pose,又嘟嘴向Marat獻吻,隔住個mon都睇得出佢哋有幾開心!

幫手孭住Marat嘅Cheronna就笑言呢個復活節過得非常充實:「由一開始港鐵跑去碼頭趕船,已經冇咗30%電力,然後被yaya(Marat)全日放咗我60%電,我哋係互放嘅。呢個復活節放電計劃十分充實,非常開心,我就嚟熄機。」

(on.cc)