【嘉穎都試過…】陳凱琳:佢就眼仔睩睩咁望實我

    藝人陳凱琳、林盛斌和梁嘉琪等,下午到金鐘出席無綫「Think Big共童跳」活動,與一眾小朋友耍樂,名人霍啟剛亦有帶5歲半兒子現身支持,場面熱鬧。


    陳凱琳受訪時談及兩個多月大兒子,即Sweet爆透露BB仍未戒夜奶。

    「朋友叫我同佢講,話要戒夜奶就得喇,我就回話如果係咁易就好,當然返到屋企都有試,佢就眼仔睩睩咁望實我,梗係唔知我講乜啦,好彩嘉穎都有幫手,加上佢夜瞓,每晚都幫手餵埋凌晨三點幾嗰轉。」

    由於每晚仍「冇覺好瞓」,她感激公司為自己安排適合工作:「好似今日嚟做活動大使同主持,又有機會向現場家長討教湊仔心得。」

    她笑言近日發生了「湊仔瘀事」:「諗住落街買嘢食,點知喺褲袋發現咗條紗巾,我終於覺得自己真係做咗人媽媽。嘉穎都試過餵完個仔食奶,膊頭塊紗巾唔記得拎走,仲周圍行。(遲啲BB可能會識得將玩具放入你哋啲袋度。)如果係,都幾溫馨㗎。」

    (on.cc)

    SHARE