藝人袁詠儀（靚靚）、老公張智霖（Chilam）同囝囝張慕童（魔童）一家三口經常周圍去玩。
呢日佢哋就相約咗一大班好友齊齊出海遊船河。靚靚喺社交網大晒合照，不過睇番啲相，個個人由頭到腳全身都白雪雪咁。
原來佢哋齊齊敷上護膚泥，淨睇大合照真係分唔到邊個打邊個！連靚靚都忍唔住留言：「一班瘋狂的朋友，找到我嗎？」
之後，靚靚再晒出同Chilam嘅近鏡相方便大家「認人」，仲激罕咁見到佢以比堅尼上陣，即獲網友大讚性感！好友容祖兒亦湊熱鬧留言：「So sexyyyyy」。
(on.cc)
【容祖兒即留言大讚】袁詠儀激罕晒泳衣照
