89年港姐季軍梁佩瑚（阿Bel），16年跟蒙古地產商人郭雲飛閃婚，兩人婚後更甜蜜，轉眼便結婚三周年，為慶祝「皮婚」，他們最近飛曼谷過二人世界，順便去打高爾夫球。
阿Bel在社交網貼相放閃，她留言：「曼谷慶祝結婚三周年，情書、晚飯、甜品，小提琴…..」
相中所見，除有二人撐枱腳食好西，還有一張用紙巾寫的情書，上面寫了：「親愛的老婆，時間真快，轉眼三年，愛你不變，一直到老，老公Tiger， 2019.4.24」嘩，這封情信真的冧爆。
《蘋果》聯絡阿Bel，她開心接受祝福：「多謝晒，我哋呢次主要嚟泰國慶祝，順便打吓波。」問到收到甚麼慶祝禮物？阿Bel表示結婚後不求物質，兩人開開心心最重要：「收到佢封情書，同米芝蓮晚餐囉。」
對於老公郭雲飛的「紙巾情書」，阿Bel甜絲絲說：「佢喺飛機畀我，我一上機就瞓，瞓醒呢封嘢就放喺我身上。」蒙古老公原來好浪漫，阿Bel即加許：「OK喇，佢好單純㗎！」
(apple daily)
