【最後陳豪仲⋯】陳茵媺一湊三超犀利！

靚媽陳茵媺不時都獨力湊三個仔女去玩，尋日佢又再出動喇！

雖然天氣咁熱，佢坦言真係好攰，但自己能夠帶仔女去咗逼爆人嘅主題樂園玩覺得好神奇，仲係佢嘅第一次添！

佢將照片整成一段片放上網同大家Share，一個打三個嘅佢不斷幫仔女留影，又買雪糕畀佢哋食，照顧周到！

佢又強調三個小朋友都好乖，黐實佢冇四圍走，最重要係一個都冇走失！

最後廿四孝老公兼爸爸陳豪仲去接佢哋走，羨慕死人喇！

(on.cc)