藝人鍾嘉欣近日帶埋一對仔女回港，趁機同唔少朋友聚一聚。之前已經同好友胡杏兒一齊相聚，相信佢哋作爲媽咪實有唔少話題喇!
昨日嘉欣就同以前合作過劇集《溏心風暴》嘅演員見面，當中「鮑飽」夏雨、「大契」李司棋同埋「莉姨」米雪都有出席。
大合照時，米雪仲抱住嘉欣囝囝Jared，而囡囡Kelly就好乖咁坐喺度，大家都笑得好開心，相信呢個飯局大家一定傾得好高興喇！
嘉欣亦感性用英文留言：「喺我入行TVB最初嘅階段，我好幸運能夠同呢三位咁出色嘅前輩工作，佢哋教識我好多關於做戲嘅知識，同埋感謝佢哋對我嘅愛錫，好開心見到佢哋同Kelly和Jared嘅互動。」
網民話睇到呢個《溏心》組合真令人懷念，仲問佢哋幾時先齊人再合作！
李司棋細心將Jared樣貌遮住！
(綜合報道 / on.cc)
