被譽爲何家最索千金何超蓮，自從同吳克群分手後，觀音兵不絕，有霍啟山、劉根森等公子哥兒埋身，不過超蓮例牌否認，個個都話係朋友!
今日就有大陸傳媒拍得他與一位美女喺電梯擁吻嘅畫面，疑似戀情曝光，而女主角嘅身份竟然係……
據大陸報道稱，當晚竇驍帶住一名着粉紅色衫嘅美女與朋友飯局，兩人有說有笑，期間竇男方不時捉住「粉紅女」手仔，不時又將手放對方大髀，親密程度猶如拍拖情侶。飯局結束後兩人同回酒店，入到電梯更與該女子擁吻，疑似戀情曝光！
雖然男方竇驍暫未有回應，不過從相中所見，有眼利網民發現「粉紅女」竟然同賭王何鴻燊三房千金何超蓮非常似樣，更有網友即刻搵到以前超蓮都戴過「粉紅女」嘅同款Cap帽，令女主角身份成疑！
曾與何超蓮禮貌式擁抱
大陸型男竇驍斯文靚仔，於加拿大長大，先後拍過張藝謀執導嘅《山楂樹之戀》，又同過男神彭于晏合作《破風》，係唔少少女嘅夢中情人，佢嘅感情世界就當然多人關心！
(綜合報道 / on.cc)
