【陳敏之姚子羚留言…】黃翠如探契仔 原來上個月生咗喇!

原來上月誕下囝囝Danton,身為好姊妹嘅藝人黃翠如近日就飛到去馬來西亞探契仔,連日嚟仲晒出唔少BB嘅得意相至社交網添!

而呢日身在當地拍攝節目嘅蕭正楠亦嚟到會合老婆,佢仲化身「湊仔公」幫手照顧契仔,見Danton冧到爆咁望住佢,佢亦興奮表示:「哈哈哈哈哈…契爺係咪好靚仔呀…哈哈哈哈」,啲父愛出晒嚟!

唔少圈中好友,包括區永權、陳敏之都紛紛催佢快啲生番個,姚子羚更笑指第時可以搵「小三」曹永廉做奶媽。

陳敏之都叫佢哋快啲生番個呀!

另一邊廂,有老公幫手睇住BB,翠如就同天瑜一齊飲番兩杯,翠如仲留言:「好吧。女人,來個女人之夜。」

馬來西亞華裔小姐冠軍吳天瑜原來上月已經誕B仔,好姊妹黃翠如就成爲B仔契媽!

 

 

 

 

(IG / 綜合報道 / on.cc)