【BB性別洩蜜】大肚胡杏兒孖老公奶奶出巡!

    39歲人妻胡杏兒密密生,長子李奕霆才1歲半大,杏兒現已趕陀第二胎!

    日前挺6個多月大肚的她,孖老公李乘德(Philip)和奶奶現身銅鑼灣揀BB衫,被讀者Calvin透過「爆相爆片」分享溫馨過程!

    讀者接受電話訪問表示,當日傍晚6時許,見到有個幾型的男人在童裝店外徘徊,看清楚認到對方是杏兒老公,讀者說:「我望到店裏面,見到杏兒同個女人喺度揀衫,佢哋專睇初生嬰兒衫仔,揀咗好耐,可能裏面差唔多全部都係女人,杏兒老公就喺店外面等,見佢都不停出出入入。」

    從讀者提供短片所見,戴cap帽和黑超的大肚杏兒打扮樸素,奶奶全程陪在左右傍實,其間見到杏兒拿起一件藍白色B仔衫,相信是為腹中胎兒出世作準備,問有冇見到杏兒揀B女衫仔?讀者表示:「佢主要都係睇藍、白色嘅衫,冇揀過粉紅色系列,有啲人都認到佢,見佢都有笑容表現nice。」

    杏兒專睇B仔衫,相信今胎好大機會都是陀仔,由於老公是沙頭角禾坑村客家原居民,三代單傳,杏兒為李家開枝散葉,相信奶奶最開心。

    杏兒跟老公結婚4年,前年10月誕下得意囝囝Brendan,一直表示會再追B的她,今年1月在社交網公告再陀B:「豬寶寶終於加入,李氏農場可以開張了!」早前杏兒貼大頭相留言:「為甚麼我懷孕鼻子會變大,別人就不會呢?」

    當初杏兒陀Brendan時亦曾在社交網用英文暗示:「人們說因為你是在懷男孩,但其實懷孕婦女懷的是女兒也會有大鼻子。我對嗎?」

    現在大鼻加藍白色B仔衫,可見杏兒今胎再生仔的機率近100%。

    (apple daily)

    SHARE