【金燕玲胃口好到不得了】蘇施黃:佢照顧我多過我照顧佢

    64歲金燕玲今年初發現患有子宮癌,要接受6次化療,她今日戴口罩、冷帽上密友蘇施黃主持電台節目《大玩派》,金燕玲自言這段時間沒戒口,所以胖了不少,現時體重58kg,跟阿蘇體重差不多,但她稱現時不考慮減肥,亦不能做運動。

    金燕玲完成第四次化療,再抽血等報告後,才可以進行第5次化療,金燕玲說:「(做化療)辛苦程度一樣,辛苦嗰幾日冇得走,同自己講呢啲痛楚唔會永久,忍到第8日開始就會越嚟越好,會過去嘅,雖然痛過生仔,但痛過咗去就會忘記,我要做6次,好開心完成咗4次療程,不久前先同大家分享第1次感受,唔經唔覺已經可以倒數得番最後2次。」

    抗癌過程中,金燕玲為保持開心的心情,所以沒特別戒口,放縱自己一下,除了不吃「生凍嘢」,其他喜歡的食物都會盡力吃,不會專程飲雞湯補品等,金燕玲後來聽醫生講打化療藥會增加食量,她笑言:「佢叫我自己小心食量,我話醫生你早啲講吖嘛!」

    金燕玲說現時「瞓得多,食得多」,每朝飲一杯石榴汁,她說:「胃口好到不得了,好多朋友都話我肥咗好多,但係味覺就變淡咗,要食啲濃味啲嘅嘢。」而蘇施黃在社交平台透露頭部生蛇,她見記者即強調:「唔關金小姐(金燕玲)事,佢照顧我多過我照顧佢,佢唔舒服,就會喺房死瞓爛瞓,等自己有足夠休息,到好番啲,就會出嚟問我食唔食嘢,又整嘢食畀我,有時話打麻雀能醫百病,有麻雀腳嚟,佢又會好開心,焗蛋糕同肉醬意粉。」

    今次已是蘇施黃第3次生蛇,第1次是數年前,但近幾個月就反覆生了2次,每次都在頭的右邊:「我將會喺下星期一去日本為ViuTV拍節目,有啲嘢未做過唔識,所以有啲緊張。」她表示生蛇無論看中或西醫,只能壓制病情,並不能根治:「睇醫生只係㩒住條蛇,唔可以殺到條蛇,今次我用頻率治療,希望可以幫到手。」

    她表示頻率治療需要儀器輔助,3次療程,她已做了2次:「噚日做咗,今朝去咗練習夾公仔後,之後再做療程,明日再做,上機前搞掂,夜晚就食中藥。」

     

    (綜合報道/apple daily)

    SHARE