梅小惠、江欣燕與阮兆祥老友鬼鬼，工作以外三人經常相約飯局見面。不但如此，連三人媽咪也十分熟絡，子女們每有聚會，三個媽咪也會出動，近日小惠和祥仔等人索性成立了「媽媽薈」，讓媽咪透過聚會可以認識更多朋友，認真孝心。
去年底行姐陳彥行也帶媽咪加入了「媽媽薈」。
今個星期日就係母親節，前晚眾人齊集約埋一大班媽媽飯敍，齊齊慶祝母親節！
小惠昨日將照片放上社交網，留言說：「媽媽薈又嚟喇，各位媽媽母親節快樂。媽媽們開心仔女更開心。」
相中見咁多位孝順仔孝順女各自同媽媽合照，而阮兆祥仲帶埋拍拖18年嘅女友Crystal出席，佢哋送花之餘又送上各樣零食乾糧做小禮物，相當有心！
至於江欣燕更素顏上陣，在媽咪在老友面前又豈怕以真面目示人？
(綜合報道)
