【首次夫妻檔現身超恩愛】鍾嘉欣:日日都收到囡囡畫嘅卡

甄子丹與太太汪詩詩、鍾嘉欣、蔡雪瑩、趙哲妤、湯君慈及湯君耀盛裝現身尖沙嘴,出席頒獎典禮。

鍾嘉欣與老公Jeremy Leung首度一齊出席公開活動,身上所穿的是老公為她挑選的旗袍,未知是否太滿意太太的旗袍造型,二人合照時不時情深對望。

嘉欣說婚後第一次留港這麼長時間,她笑言晚宴上有很多隱世英雄:「第一次同老公嚟,因為我需要一個伴,老公就陪我。」

她說自從04年華姐後,相隔15年都冇着過旗袍,問老公有沒有大讚?她說:「唔知自己可唔可Carry到,不過係佢幫我揀,覺得呢套好似好有貴氣,我就幫佢揀番套西裝,大家都係同花紋嘅。」

她透露會留港過埋母親節,每年母親節也沒有甚麼特別,都會吃飯慶祝:「我個女日日都會畫卡畀我,我日日都收卡,今年個仔第一年陪我過母親節,佢應該會送個濕吻畀我,已經開始學爬,又鍾意咬拖鞋,好可愛。

(生第三個?)唔會啦!我想好好照顧兩個小朋友,地球生活唔易,好多挑戰,希望我教到佢哋有『武器』,憑武器能夠喺世界生存到,如果多一個嘅話,冇時間再教多個。」

(綜合報道)