【B女終於出世啦!】張嘉兒:醫生話條臍帶箍咗佢條頸三圈

前港姐冠軍張嘉兒早前提到細女「逾期居留」,過了五月頭的預產期還未出世(相關新聞:https://bit.ly/2H2B4os),不過她終於帶來喜訊,B女已經出世,重七磅多,英文名叫Hannah,恭喜恭喜!

嘉兒還專登請攝影師為他們影靚相,她接受東網訪問時更大爆驚險事!

「今次我都係順產,但今次生痛過上次好多,今胎雖然落產房後三個鐘頭多就生咗,但真係好痛,而且生時仲有啲驚險事發生!原來BB出嚟時,醫生話條臍帶箍咗佢條頸三圈,好似戴咗三條頸巾仔咁,好在有驚冇險,好快發現亦好快解決咗,最終都順產出世。」

問到有否被此嚇親,嘉兒謂:「我當時只係掛住Focus用力生,同埋都好痛,醫生都係事後BB出咗嚟冇乜事先同我講,醫生好專業,可能佢覺得好有信心處理到,所以費事影響我,但聽番我就好驚囉!」

嘉兒又指醫生表示此情況並不常見,一年只遇到一次,她又說:「不過今次同上一胎一樣,都有痛到嘔,我又冇用無痛分娩,所以超級痛!但好搞笑,今胎我堅持喺屋企等耐啲先入醫院,點知去到醫院原來已經開到3度,老公都有入產房剪臍帶!」

恭喜晒嘉兒呀!

(on.cc)